吳業坤玩花招 鬧爆黃文意
吳業坤劇中演馬國明弟弟，他與黃文意這個新鮮配搭就是飾演一對沒有經濟能力但已結婚生BB的年輕夫婦，只掛住玩樂，BB出世後就交由父母照顧，但2人後來會成長，承擔照顧孩子的責任。
首次飾演爸爸的吳業坤笑言：「都幾適合我，因為角色係意外有咗小朋友嘅爸爸，我自己都未有心理同生理準備做爸爸，所以拍攝好易投入，因為真係唔識湊B。」與黃文意雖然首次合作，但2人獲讚有「火花」，黃文意笑言：「吳業坤會將對白演繹成金句，尤其係鬧我嗰啲對白，佢可以即場諗到好多花招，所以我拍鬧交戲係拍到咬牙切齒，佢鬧得我咁過癮，我唔用番同樣程度去話番佢畀觀眾睇，條氣會唔順！」