60磅古裝難頂！李彩華水着踩Roller

藝人李彩華（Rain）正在內地開工，早前難得回港休息，即興接受藝人黃嘉樂的攝影師女友Samantha邀請，拍攝一輯破格的滾軸溜冰照，穿上一件頭泳衣的她，大晒42吋長腿及零贅肉身材。Rain透露與Samantha認識很久，故信心十足，又笑說：「如果Samantha要我再加大尺度，我都唔會問點解，因為信得過佢，大家好好朋友，佢知我買咗對roller鞋玩，今次就搞搞新意思，出嚟效果同自己平日好唔同，當然我本身都係運動健將，好多嘢都玩得唔錯，絕對唔係得個樣。」
李彩華在好友掌鏡下晒健康性感，若再加大尺度也沒問題。
李彩華在好友掌鏡下晒健康性感，若再加大尺度也沒問題。

頭痛到爆催眠自己

不過，拍完輕裝清涼照後，Rain就要為古裝劇開工，感覺如精神分裂！雖然其造型相當霸氣，但要承受近60磅的重量，難怪收工磅重時竟發現輕了三、四磅，她說：「套戲服真係好重好重，我都算生得高大，但一樣好辛苦，連個頭飾都極有分量，開咗一陣工已經好頭痛，仲試過重到整損咗個頭。不過成個設計好靚、好有型，所以有時覺得負荷唔到，就同自己打氣，要靚就要付出同犧牲！」

Rain着泳衣玩滾軸溜冰，逆天長腿表露無遺。
  • Rain着泳衣玩滾軸溜冰，逆天長腿表露無遺。
古裝戲服重達60磅，難怪Rain苦不堪言。
  • 古裝戲服重達60磅，難怪Rain苦不堪言。