黃文意刻薄巴渣 怕影響觀眾胃口
「10億千金」無綫藝人黃文意日前客串劇集《愛．回家之開心速遞》，飾演mean爆的「劉厚水」，她笑言首次睇到角色對白嚇到心肝仔都冇肉：「角色設定好刻薄，容易引起反感，擔心觀眾電視撈飯時聽到有個女人嘈喧巴閉心情會唔靚。」
講到最有挑戰性的一幕，她表示是與周嘉洛的一場對手戲：「佢演得咁好，我企喺佢隔籬唔可以演得太差，驚拖垮佢個表演效果。」幸好觀眾留言大讚其演出惹笑，才令她放心：「見到劇組同觀眾評語話我好有喜感，其實我細細個睇電視，最鍾意係睇到令自己笑嘅情節，依家可以做到差唔多效果，我都好開心可以帶到歡樂畀大家！」