陸詩韻開Live 半粒鐘吸7位數
前港姐陸詩韻多年前決定闖商界做女強人，推出自家品牌護膚系列，經多年努力後，生意漸入軌道。最近她以7位數字將新蒲崗自家物業重新裝修「起家」，正式成立新辦公室及陳列室。她受訪時透露除自家品牌外，公司還代理7個來自日本、法國及美國等地的護膚品牌，年底亦會引入歐洲產品。
談及生意難做，她說：「好在護膚品巿場大，尤其是之前疫情關係，好多女士去唔到美容院，而我哋嘅產品有功能性，好多平台搵我哋合作做Live，之前做過一次，估唔到反應超好，30分鐘已經賣到7位數字生意額，突然間腦海叮一聲，原來可行喎！」