楊立門開騷 唔參考小鮮肉

歌手楊立門將於6月15日在尖沙咀文化中心舉行演唱會，演出因疫情由去年押後至今，他說：「本身諗過唔搞，得兩、三個月未必夠時間宣傳，估唔到反應咁熱烈，最貴飛一早賣晒，可能大家困得太耐，想去實體演唱會，所以要買就快手喇！」並透露邀得趙增熹任嘉賓：「佢客串伴奏幾首歌，仲有朋友話我哋外形合襯嘅何婉盈、唱腔無敵嘅小龍女（龍婷），佢嘅鄧麗君、王菲腔聽到個個如癡如醉，我哋下星期開始排練。」