劉佩玥笑黃宗澤：咁多人想食你咩！

劉佩玥唔認係「TVB娘娘」，仲話自己要做司機，車見車載冇佢份！

對於曾傳緋聞的7位「兵哥」包括黃宗澤（Bosco）、周志文、伍允龍、黃又南、翟威廉、黃子恆以及何猷亨，她反應超大連忙澄清，提及Bosco時說：「流到爆！佢直情係我阿哥咁，同佢食飯仲講笑：『你估你係唐僧咩？咁多人想食你啲肉！』」

伍允龍長氣似哥哥

至於其餘5位緋聞男友，她一律KO：「全部都流喎！」又稱不明為何跟伍允龍傳緋聞，估計是在劇集《城寨英雄》中的螢幕情侶形象太深有關，不過對方曾公開讚她是好女仔，她直認：「咁我真係好吖嘛！我哋只可以講喺角色中有過電，但我冇抽離唔到。（有機會發展？）到依家真係冇，佢真係大哥哥，好多事都好語重心長。（好長氣？）係！」至於黃又南，她覺得無厘頭：「我哋拍《殭》時連對手戲都冇！」提到翟威廉，她更是不留情面：「你哋有冇諗過我感受呀？」賭王四房公子何猷亨又如何？她即扯陳瀅落水：「真係唔好詆毀呢啲公子！佢同陳瀅熟，同我完全冇關係，真係只係朋友。」

Bosco當然不愁沒女伴，但唔會以為自己係唐僧呀嘛？	睇劉佩玥同周志文對望嗰種眼神，就知佢哋一定有啲嘢！	伍允龍「當兵」無望啦！Moon只當佢大哥哥。

Moon唯獨對周志文不抗拒，稱入行就認識對方，雖然8年間沒合作過，但透過翟威廉的group成為朋友後，覺得他是好男仔。至於發展機會，她說：「呢個世界上咩都有機會。」其理想對象除了陽光型，更要有愛的感覺及共同價值觀。