楊卓娜屋企人陪減肥
藝人楊卓娜昨日出席護膚品牌新店開張活動，她表示忙於為無綫新劇《雙生陌生人》開工，談到拍檔陳煒於社交網晒其超級長腿照片，她笑指兩人於劇中演好姊妹，故大部分戲也會同場：「一開工大家乜都傾，煮嘢食、扮靚都有研究，佢好好人。（咁有冇問佢係咪結婚？）呢啲私人嘢冇問佢啦！」
為配合角色，她需穿上性感貼身戲服，所以近日忙於Keep Fit及做運動，她說：「食少啲澱粉質，本身有肚腩，所以煮餸都要留意。（屋企人被迫陪你減肥？）惟有係咁啦，呢排煎炸嘢唔可以預我，拍到7月先完，所以呢排都要Keep住呢個狀態。」