李靄璣有望拍劇 做綜藝熱身
歌手林奕匡太太李靄璣簽約邵氏已一段時間，日前出席活動時自爆有機會拍劇，希望先向綜藝方面發展：「公司依家有改革，等緊安排。（上無綫《開心大綜藝》跳舞？）可能不久嘅將來會，佢哋仲未見到我唱歌、跳舞嗰面，但我好感興趣，所以最近同朋友學跳流行曲同K-POP為主嘅舞。」
她表示近期因工作關係經常Staycation（宅度假），上月與老公同行則是刻意安排，心痛對方太辛苦：「佢真係好忙，掛住出新歌、新碟之餘，又要寫歌畀人，返到屋企都係匿喺房，每晚我哋會有傾偈時間，覺得佢應該有個放鬆時間。」