撼贏吳若希連詩雅 王敏奕坐正女一 聽聲緝兇

29歲的王敏奕（Venus）婚姻美滿，事業發展亦見順利，有機會簽約星夢做歌手。身為無綫高層曾志偉新抱的她，最近再獲無綫戲劇組度身訂造角色，於下月開拍的新劇《旁觀者》飾演一名對外界聲音及光影分外敏感的女警，憑着天賦異稟偵破兇案，但查案陷得愈深，情緒愈感抑壓。角色與韓劇《Voice》系列女主角李荷娜的特徵及遭遇相若，絕對是演技大挑戰！

據悉，Venus今次撼贏同樣有份參演《旁》劇的吳若希及連詩雅，將以女一身份登場，與飾演餐廳店長的男主角周柏豪發展感情線。

周柏豪備戰 準備回歸

今次亦是柏豪相隔約3年後回歸拍劇，難怪他顯得相當緊張，近日已開始「閉關」做功課，他坦言：「呢一、兩年囡囡出世，我花多咗時間喺家庭上。依家除咗開始溫習劇本外，飲食上亦作出調適，跑步操番身形，已經成功減咗7磅喇！今次角色有好多內心戲，真係有好多嘢要準備好先得，相信嚟緊下半年會好多嘢忙，好滿足！」

另外，近日網傳無綫將翻拍《倚天屠龍記》，柏豪演張無忌父親張翠山一角，連詩雅則演其妻殷素素。柏豪昨日出席活動時表示未有聽聞，但笑言不介意當「爸爸輩」﹕「搵我做『金毛獅王』都得o架！咁我真係爸爸嘛，最緊要有嘢做啫！」