寶珮如：相信佢可以捱得過！
與李麗珍相識超過20年的寶珮如（Baby），早已知悉對方情況：「佢係一個好孝順嘅人，呢排情緒一定唔係咁好，我哋都唔敢打擾佢，始終發生咁多事都需要一啲適應期，要冷靜吓，嚟緊首映都唔知佢出唔出到嚟，但我相信佢一定可以捱得過，始終佢都經歷過咁多嘢，性格好成熟。」談到珍妹於《濁》片的演出獲得不少好評，Baby則指對方演技一向好好，並直言很喜歡跟對方一段食飯對談戲：「嗰場戲講咗我哋對露宿者嘅一啲感受，好感觸嘅，呢場戲大家都發揮得好好。」
曾奪得香港電影評論學會最佳女演員的蔡思韵於《濁》片中飾演社工，幫助一班露宿者包括李麗珍等向政府提出申訴，戲中蔡思韵與李麗珍有不少對手戲，雖然只是有關日常生活的小情節，但能夠與金馬影后合作，思韵當然獲益良多。