娛美人：曾經迷惘 決心改變 趙璧渝性感解鎖
無綫女星趙璧渝（Osanna）於熱播劇《逆天奇案》飾演女警「妹頭」，與陳偉洪有感情線。入行快將9年的她，於第26期藝員訓練班畢業，同期有何廣沛、袁鎮業等。她於《逆》劇首集中，着校服揭裙底拔搶，與匪徒槍戰一幕，令觀眾留下深刻印象。
曾被投閒置散
Osanna受訪時坦言接到「妹頭」這個角色時相當興奮，現時同事都以「妹頭」稱呼她。談到於《法證先鋒Ⅳ》除剩黑Bra危站40樓天台拍攝一幕，她說：「嗰度真係驚，拍攝前一星期唔敢食嘢，要搵個靚啲嘅Bra，又擔心甩帶，不過去到現場根本兼顧唔到咁多嘢，一去到就顧住拍，上咗去天台6個鐘根本冇落過嚟！ 」
她於《逆》劇打扮密實，完全掩蓋其40吋長腿，Osanna坦言以前被投閒置散時，曾經歷迷惘階段，抱着有工就返的心態，但現時已醒覺，故不斷提醒自己要改變：「最近我努力減肥，希望可以再弗啲，有多啲唔同形象，挑戰更多角色。我喺兩個月內減咗6至8磅，今個夏天同自己講，唔可以再遮遮掩掩。（之前成日上載泳衣相？）其實我向來密實，但希望今年有改變，唔係要刻意性感，只係想靚啲，有唔同嘅一面畀人睇到。」
Profile
生日：7月4日
體重：51.5kg
身高：1米68
嗜好：行山、攀石、瑜伽