台灣天王周杰倫（周董）在港舉行的演唱會，因疫情關係一再改期，主辦方寶輝娛樂老闆謝嘉豪昨召開記者會，指有信心可落實8月舉行，惟假飛情況令他們關注：「有粉絲攞住啲冇座號嘅飛嚟要求替換，話到手時已經係咁，上面明顯用化學劑抹過冇咗層面。（報警？）呢個係考慮方法之一。」由於舉行場地由主題樂園改往中環海濱，每場座位少7千多，他明白搶飛情況嚴重，呼籲歌迷小心。談到台灣疫情，他謂：「呢樣我控制唔到，都會緊密留意。（周董嚟要隔離21日。）呢個預咗，佢會帶台灣樂隊嚟，起碼百幾人一齊。」