《Billboard音樂獎》前日於洛杉磯舉行，加拿大男歌手The Weeknd從16個提名中掃10獎，包括「最佳歌手」與「最佳男歌手」，成為大贏家，他致詞時說：「真係難忘嘅一晚，我想借呢個機會多謝我父母，我好愛你哋，因為你哋先有今日嘅我，所以多謝晒，當然仲要多謝我粉絲。」韓國男團BTS則獲頒3獎包括「最佳組合」。
41歲美國女歌手Pink獲頒事業成就獎「典範獎」，成為此獎最年輕得主。她表演時與9歲女兒Willow一起被吊做空中飛人，擺出對稱甫士，非常合拍！她亦有帶同4歲兒子Jameson出席。Pink致詞時說：「我鍾意自己做嘅嘢，同鍾意合作嘅人。我哋都做得唔錯，但如果冇人嚟睇我哋，同我哋一齊玩音樂，就冇意思，所以你哋世界各地咁多人，多謝出嚟，多謝畀大家一齊療傷。我等唔切想再玩過，等我哋可以一齊汗疊汗。呢個係好大嘅榮譽！」