羅欣羚開舖賭身家搵男友做「咕喱」

無綫藝人羅欣羚（Lydia）與拍檔合資6位數在銅鑼灣開設珠寶鑽飾店，二人3年前開始在網上賣鑽飾，去年才籌備開舖大計，Lydia受訪時說：「依家個市唔係好好，租金比之前平，有危就有機，所以決定喺港島區扎根，因為經濟好嗰陣未必入到嚟。」又指今次投資已用盡畢生積蓄。
羅欣羚圓夢開鑽飾店，男友陳偉洪出心出力支持。
羅欣羚圓夢開鑽飾店，男友陳偉洪出心出力支持。

其男友陳偉洪在現正播映的劇集《逆天奇案》飾演O記Rocky，有幾大隻大家都知，問有否叫男友幫手打點，Lydia說：「男朋友幫手做『咕喱』！我同Partner比較細粒，大家嘅男朋友都要幫手擔擔抬抬。」偉洪亦揚言很支持女友：「佢依家忙緊自己鍾意嘅嘢，晚晚見佢做到好夜，但都值得嘅。」

黃嘉樂（左）與許家傑日前落舖撐羅欣羚。
  • 黃嘉樂（左）與許家傑日前落舖撐羅欣羚。