黎瑞恩兩腫瘤自動消失 要開香檳！
歌手黎瑞恩（小恩子）多年前曾透露胰臟長有兩個腫瘤，前晚她在社交網發長文，透露腫瘤消失了。她重提幾年前吃東西後有「頂住頂住」的感覺，初時還以為患了幽門螺旋菌或是腸生息肉，之後做全身檢查，發現胰臟有兩個腫瘤，她引述醫生的話：「好難先睇到o架！通常末期先畀你睇到o架！不過暫時都係良性。」
肚痛發燒 憂時日無多
由於腫瘤與器官很接近，醫生表示受影響的器官都要切掉3分1。小恩子直言既然無藥食，又要每6個月做電腦掃描，擔心可能沒事也變有事，最後，她作了一個好大決定，她說：「我選擇對呢兩粒嘢不聞不問，總之每日就當『過一日、賺一日』，開心就得啦！」
之後一直相安無事，直至早前她突然肚痛兼發燒，以為自己「時間差唔多」，豈料檢查後發現只是腸胃炎引致腸抽筋，重點是兩個腫瘤竟然不知所終。
小恩子開心地說：「原來唔好諗埋咁多無謂嘢及負面嘢，真係可以醫病o架！所以我想同大家分享我嘅諗法，希望無論患咩病嘅朋友，大家唔好絕望，放鬆及樂觀，凡事都有可能。」並祝福大家身體健康及開心快樂，同時感謝所有醫護人員，笑言要開香檳慶祝。