何婉盈想做苗僑偉「老婆」
歌手何婉盈前晚出席網上音樂騷，透露剛與無綫簽約：「唔係Full Time，因為我仲有金融正職。（部頭形式？）兼職約，到時睇有啱合作嘅再夾時間，20幾年冇拍過劇，都諗唔起最尾嗰套係咩名。」問到想演哪類角色？她指近年最有印象是劇集《降魔的》中的胡鴻鈞，她說：「可能我鍾意佢嘅角色同隻歌，我呢個歲數，做佢個靚媽都得啩，哈哈！（唱埋劇集歌？）如果TVB肯畀我梗係好啦！」她又表示最想飾演苗僑偉的太太，問到如果做「小三」呢？她笑說：「如果要做第三者角色一定做啲衰嘅，做到啲人喺街見到就鬧，咁先代表你個角色做得成功。」
