姜濤揀眼鏡愈大愈好

人氣王姜濤於演唱會後放了一日假，全日在屋企睡足20小時，之後又忙開工。身為廣告界新寵兒，最近他接拍太陽眼鏡廣告，他表示人生第一副太陽眼鏡是小時候跟媽媽到加拿大旅行時所買，整個旅程也戴着，感覺自己變了外國人，又笑言揀眼鏡的標準是愈大愈好：「因為同一個價錢，鏡面大啲感覺抵啲。我成日會借媽咪嘅太陽眼鏡戴，細個覺得戴女裝都冇問題。」提到自己怕熱又怕出汗，是遺傳自媽媽，並爆媽媽有次到日本旅行，全程攬着冰袋行街散熱。