何雁詩愛犬帶挈吸金
歌手何雁詩昨日以大使身份帶同愛犬「恰恰」出席寵物活動，她表示剛滿8歲的愛犬是於勞動節出世，但生活並不勞動，在家中地位等於王后，又笑指近日多得「恰恰」帶挈，密密出席寵物主題活動吸金：「話唔定佢人工可能高過我！」問可有吸引寵物代言廣告？她說暫時未有，但直言目前最希望搵多啲錢，幫補去年收入減少。
講到她近日自資出EP，銷情不俗，會否考慮加印？她開心表示：「啱啱出咗碟1個月，同月有好多唱片公司出碟，我以獨立歌手身份佔一席位已經好好！依家物色緊唱片公司，希望之後有多啲唔同嘅選擇。（EP回到本？）單計唱片上回到，但如果計每首歌就難啲，好彩今次有好多朋友幫手。」另外，她透露正籌備個人騷。