考獲跆拳道黑帶 陳曉華自薦做打女

陳曉華自誇身體柔軟度高，踢腿有着數。

外表斯文的她，原來讀書時期相當好動，除了籃球、排球外，更跟隨哥哥去球場踢波，性格相當男仔頭！約兩年前開始學跆拳道，她受訪時說：「自從拍咗劇集《迷網》一啲打鬥場面後，發覺自己手腳唔多協調，有啲動作戲做得唔夠靚，所以就去學，學完之後真係有改善，阿Sir都讚我協調好咗，依家要我做打女都得，哈哈！」她自言身體柔軟度高，筋骨亦很鬆，故踢腿方面較優勝：「我每日都喺屋企練習，可能我條頸長，練習時成日Chok親條頸！」

• 成功考獲黑帶，陳曉華一臉自豪。