湯洛雯受「冰刑」逼供
藝人蕭正楠（阿蕭）及湯洛雯（靚湯）前晚亮相無綫直播節目《開心大綜藝》宣傳新劇《一笑渡凡間》，阿蕭不時取笑拍檔，而主持森美追問其結婚傳聞，靚湯即撒嬌說：「關你咩事啫！」演出短劇時，她繼續成為被玩對象，江欣燕拿起冰塊在她的面上塗抹，並追問她是否知道男友馬國明的敏感部位，靚湯左閃右避，欣欣借勢將冰塊放入其衣服，令靚湯忍不住起身跑走躲避，場面爆笑！
靚湯早前生日與馬國明到酒店Staycation（宅度假）浪漫慶生，並穿性感泳衣歎Spa，她受訪時笑說：「嗰件其實唔係三點式，只係一件頭泳衣。」在旁的阿蕭笑說：「咁你真係好性感喎！我都以為係三點式，真係天生麗質！」靚湯續指與男友首次去Staycation，玩得相當開心，問對方可有在浪漫時刻趁機求婚？她笑說：「真係冇，因為我哋兩個都唔係鍾意Surprise嘅人，好多嘢會預先同對方講。」
2人擁情侶公仔，而代表馬國明的公仔經常被網友笑污糟，問靚湯可有幫忙洗白白？阿蕭笑說：「係囉！點解咁污糟嘅？係咪睹物思人？真係唔知做咗啲乜喎，你知啦，佢喺上面咁耐！」靚湯只好笑說：「可能多塵啩。」