林穎彤否認翻撻伍富橋

藝人林穎彤(Bella)與同門「富家子」伍富橋去年10月分手,有傳男方跟《Think Big天地》主持陳嘉慧過從甚密,令Bella嬲爆,提出分手,兩人更互相取消關注社交網,擘面收場。不過,盛傳最近兩人「翻撻」,他們一齊參與新劇《十月初五的月光》演出,劇中飾演一對,實行寓工作於拍拖,拍攝外景時,有指伍富橋出動靚車管接送。

Bella昨日否認翻撻:「絕對冇咁嘅事,係同事關係。(話佢車你出入?)唔係車出車入呀,只係拍劇同車到拍攝場地,拍完劇已經冇聯絡喇!」伍富橋也說:「我同Bella係朋友關係,工作上嘅同事,多謝關心。」