台灣疫情反彈 許志安提早返港坐疫監
揚言要重新出發的許志安，上月飛抵台灣拍攝台劇《接招吧！製作人》，他是其中一個單元的主角，因為台灣近日疫情反彈，他提早昨日返港，據知他於中午12時已抵港，隨即接受14天家居檢疫。他昨日受訪時說：「今日返嚟嘅過程都好順利，成個機場冇乜人，我用咗個幾兩個鐘就搞掂晒。」
他表示台灣因疫情開始緊張，導演擔心他的行程受阻，所以將他的戲份提前拍攝，讓他早點回港：「我拍嘅日數冇變過，只係提前趕拍咗我啲戲，本來我係過兩日先返。」他透露今次台劇吸引之處，是每個單元都有主題曲，其單元歌由候選金曲獎最佳填詞人黃婷做音樂導演。