近日網上流出多張疑似何猷亨舊愛、已婚名媛陳可欣（Sabrina）與一名四眼男的激咀照，男方更打開恤衫露胸肌，2人舉動震撼整個社交界！Sabrina昨日未有否認是相中人，只表示已交律師處理。
賭王四房兒子何猷亨的前度、去年與哈佛鋼琴神童結婚的社交界名媛陳可欣，樣靚學歷高兼出身富裕，畢業後從事金融，與前港姐麥明詩是劍橋大學同學，而她跟港姐似乎特別投契，與應屆亞軍陳楨怡、黃婉恩及伍樂怡等都是閨蜜。
近日網上流出一批疑似Sabrina與四眼男激咀照，引起社交界哄動。相片被指攝於中環一間私人雪茄吧內，4張照片分別從2個角度拍攝，疑似Sabrina的女子與四眼男坐在米字圖案長梳化上嘴對嘴親熱，男方的恤衫鈕全打開，女方則一手攬實他。由於吧內有其他客人，故2人行為相當大膽。
記者昨日致電Sabrina，對於被指是相中人，她未有否認，只說：「我唔回應。（你係已婚？）唔回應，搵咗律師處理，我唔係公眾人物，係普通人。」與她認識的林作亦表示留意到照片，直言震撼：「佢係良家婦女，高學歷，咁高質，冇諗過咁瘋狂。（佢出身富裕？）至少有我咁有米。」至於麥明詩回覆：「其他人嘅私人事我唔回應。」伍樂怡昨日亦避談：「唔回應喇！知道佢已經交畀律師處理。」據知Sabrina向友人透露，照片是婚前所拍，沒有背叛丈夫。