《小梅醫生》堀北真希逆風追夢

由堀北真希主演的NHK晨間劇《小梅醫生》於5月14日起，逢星期一至五晚上8時於香港開電視播出。故事講述1950年（昭和25年）二次世界大戰結束後，東京蒲田地區化為一片廢墟，堀北真希飾演的女主角下村梅子因一次救助了食物中毒的男孩後，立志成為醫生，卻被身為醫生的父親看扁，認為以她粗枝大葉的性格，無法成為出色的醫生。梅子在其他家人支持下，憑努力一步步向夢想進發，更受到眾人擁戴，被暱稱為「小梅醫生」。

李麗珊唱港版主題曲

藝人李麗珊（Lisa）負責為劇集的香港版主題曲《Find My Way》填詞及主唱，對此大感榮幸，她坦言不想只作為一首主題曲來填詞，而是想做出一首可以鼓勵大家的作品，帶來正能量去面對逆境及困難。她指今次無論填詞或錄音都非常順利：「我嘅填詞經驗唔算多，之前填過2首，分別用咗一個月同半個月，但今次好快，花咗一星期就完成，其實寫嘅時候都有難度，有少少詞窮。」

堀北真希與「青梅竹馬」松坂桃李在人生路上互相鼓勵，最終開花結果。

李麗珊主唱劇集港版主題曲，更親自填詞，格外有親切感。

作曲方面，她特地找朋友幫忙：「佢好清楚我嘅音域，唱起嚟好舒服同放鬆，今次錄音好順利，以往花個幾鐘，今次一個鐘內錄完，我都好驚訝！我問監製係咪可以，佢話得，問我有冇嘢想改，我聽完覺得真係冇嘢要改喎！」

劇集故事勵志，Lisa亦感同身受，她自爆想過放棄做藝人﹕「前公司以一個好荒謬嘅理由炒我，我當時有啲迷惘，覺得呢行原來咁兒戲，後來有半年時間不停面試，但都唔成功，之後試過轉行，搵寫字樓工作，但發現自己唔鍾意，最終喺朋友介紹下加入有線，真係好好彩！」她感激支持者不離不棄，承諾繼續努力，又感恩疫情下有工作。

劇照圖片提供：NHK

《小梅醫生》

播映日期：今晚起逢星期一至五晚上8時

播映頻道：77台香港開電視