許靖韻接阿Sa棒「感動」獻聲

許靖韻首次挑戰爵士曲風，坦言有一定難度。

英皇電影《感動她77次》由邱禮濤執導、阿Sa、周柏豪、泰國型男馬里奧毛瑞爾（Mario Maurer）、惠英紅、鄭丹瑞及衛詩雅等合演，承接叫好叫座的上集《原諒他77次》。上集由阿Sa與柏豪合唱的主題曲《請你愛我》深入民心，今集帶來驚喜，將《請》重新編成爵士曲風，歌詞亦譜成英文，並由許靖韻（Angela）深情演繹全新版本《Will You？》，成為《感》片的主題曲。

「要自己發揮」

被委以重任的Angela笑言：「我對粵語版嘅旋律好熟悉，自己都翻唱過，兩首歌嘅分別除咗英文同粵語之外，編曲都截然不同，粵語版本比較似K歌，英文版就偏向爵士感覺，首次聽覺得首歌好高級！」唱功了得的她坦言首度挑戰爵士曲風，非常興奮：「我平時有聽呢種類型嘅曲風，好想試唱，終於等到呢個機會。《Will You？》唔同一般廣東歌，需要注入好多情感，亦唔會有一個特定拍子跟住，好多嘢要自己發揮，有一定難度，但真係好好玩。」

阿Sa與柏豪今次合作新片更見默契。

泰國型男馬里奧介入阿Sa與柏豪的戀情。

Angela續稱：「我有睇過《原》片，對呢個故事好了解，雖然錄音時未睇《感》片，但編劇非常詳細向我講解故事嘅感覺，令我明白歌詞入面蘊藏嘅故事。」