李丞責教你改名夾五

丞丞師傅透露改名源於本命，等同出生年份、月份、日子及時辰：「正月、2月出生，八字命理上個木係多咗，所以唔好再改草花頭、木字邊嘅字。如果農曆3、6、9、12月出世，稱為『四維嘅土』，唔好改石字、山字邊，太硬嘅字。農曆4、5月出世為人易暴躁，但勇敢大膽，盡量唔好改同火相關嘅字。農曆7、8月係金旺，一般唔好改金字邊或屬金嘅字。10、11月出世就係水旺，唔好改三點水或者動象嘅字，好似撐艇仔嘅字就唔好，改啲木字邊嘅字，補救佢嘅不足。」

而名字則要以五行來辨別，即取決正統部首筆畫，姓氏加文字開端一畫，稱之為文字開始，丞丞師傅表示：「咁計算出嚟就係天格，睇童年福氣、家庭福蔭，而姓同名，即係姓氏加第一個字，係叫人格，睇成長嘅際遇好與壞。名同字，即係中間加最後個字，就叫地格，睇兒女或者晚年運。」他又建議盡量不要改有關天、地、日、月及神靈的名字。