傳撻着陳家樂 黃嘉雯向男友「自首」
前港姐冠軍黃嘉雯昨日出席新一屆港姐全球招募記者會，有傳陳家樂近日背女友連詩雅與她秘密撻着，她受訪時說：「成件事好無稽，同佢私下都冇聯絡。（有冇出過街？）絕對冇，都係工作先見到。我本身有男朋友，諗呢件事嘅人想像力太豐富。（男友有冇問你？）冇！佢都唔識睇中文，不過有主動同佢講，佢話呢行成日都會有呢啲嘢。」
提到其姊早前涉嫌虐貓被捕，講到家姐情況，黃嘉雯說：「依家進入咗司法程序，唔方便講咁多。（連累你畀網民鬧爆？）明白佢哋嘅擔心、用心，我OK嘅。有少少唔開心，希望事件快啲告一段落。」