事隔10年重返無綫 陳爽 孟瑤 恨拍劇
「晶女郎」孟瑤、陳爽、張美妮及張嘉兒前晚為《開心大綜藝》排舞，久未露面的孟瑤及陳爽更是相隔10年重返無綫，前者笑言練舞練到腳痛：「行唔到路，雖然我係北京舞蹈學院畢業，但有成10幾年冇跳舞，仲緊張到瞓唔到覺！」她與陳爽同樣期待再為無綫拍劇，問到可會向曾志偉自薦？陳爽表示不想騷擾對方，孟瑤則笑着投訴：「依家都見唔到佢！往年志偉生日大家會一齊慶祝，但今年傳咗好多次短訊畀佢都冇回覆，只係上次開會見過佢。」
4人今次參與綜藝節目，演出當天正是母親節，期望一同娛樂觀眾，陳爽笑說：「我全部屋企人都會嚟支持，阿媽都會嚟，三代同堂！」孟瑤則表示兒子身在北京讀書，所以只能睇電視。