派錯信去好友屋企 夢夢要同黃婉曼結拜
世事真係無奇不有，私交甚篤的戴夢夢與黃婉曼（Icy），竟發生派錯差餉信事件！差餉物業估價署早前向住在港島區的夢夢寄出差餉信，但最後竟寄到Icy沙田寓所，Icy指老公拆信時發現英文名寫住夢夢的名字，就連英文地址都是對方的，Icy見狀即找對方，之後特意親身把信件交還，順便敍舊。
夢夢接受本報訪問時說：「呢件事真係好神奇呀，因為大家住唔同區，之後仲要寄去我識嘅朋友嗰度，仲要係好friend喎，最好笑就係Icy老公畀佢睇：『喂，呢個係咪你個朋友呀？』Icy一睇就話個名咁似我，咪WhatsApp我問係咪我，我話係呀，點解封信喺你度嘅，跟住佢話畀我聽件事就係咁，我覺得真係好神奇，郵差叔叔送信純熟，但好似唔係好純熟，我覺得好有緣分，人海茫茫都可以咁，所以我哋本身係好好朋友，依家要結拜o架啦！」至於Icy就以短訊回覆：「在信箱發現，封信是她的地址，就係咁神奇，可能郵差放錯！」