愛穿鬆身衫包到冚的19歲美國小天后Billie Eilish，登上時裝雜誌6月號封面大解放，激罕穿性感內衣示人！一向染綠髮的她變回天然金髮，被指有已故性感女神瑪麗蓮夢露（Marilyn Monroe）影子。
她受訪時大談女性形象問題：「當你想露吓肉，就突然被人話虛偽……不過如果我咁做，我會好自豪。你咪話我同班女仔係妓女囉，Ⅹ佢啦！我哋反過嚟要因為咁得到力量，展示你個身體，展示你嘅肌膚。就算唔咁做，都唔應該令你少咗受到尊重。」