關嘉敏赤裸蝴蝶捱餓抵冷
女子組合Bingo成員關嘉敏（Carman）憑36C魔鬼身材進軍日本，僅以雙手及長腿遮掩3點，化身赤裸蝴蝶挑戰性感極限影寫真，為呈現完美一面，全日禁食兼捱凍8粒鐘，又自爆未出道前本可到日本發展，因要組女團才錯過機會。
Carman近期人氣高企，遠至巴西、法國也有粉絲，最近還進軍日本市場，跟日本紅星福山雅治同被邀為日本藝術攝影雜誌影寫真。為躋身日本模界，她放膽一博，初嘗人體彩繪化身赤裸蝴蝶，僅用長腿及雙手遮3點，性感、美感兼備。不過在長達8小時的拍攝過程中，受盡飢寒交迫之苦，除要「絕食」保持最瘦狀態外，身上僅戴上nu bra及幼邊打底褲，化妝師每次為她上色時，冰冷的油彩凍到她不停縮，幸見拍攝效果理想，又超有滿足感。
昨日她接受訪問時表示：「知要影人體彩繪相時有啲膽怯，因為唔可以着衫，呢次係出道以嚟最大挑戰，不過我都做足安全措施。」至於以蝴蝶為主題，是想表達她正待破繭而出，而為拿捏蝴蝶神髓，她和攝影師頻頻開會，又狂刨參考資料。
與福山雅治緣慳一面
Carman自爆早在出道前，曾有機會進身東瀛：「我好早就認識今次幫我影相嘅攝影師，嗰時我做緊兼職model賺學費，佢成日都搵我影啲fashion嘢、MV，佢都問過我去唔去日本發展，但因為太鍾意跳舞唱歌，最後揀咗加入組合Bingo。」而今次最美中不足是因為疫情關係未能到日本拍攝，錯過與童年偶像福山雅治見面的機會，她說：「小學時睇晒佢嘅《神探伽利略》，令我想過大個要做偵探。」