拒愛16歲小鮮肉 李佳芯：唔想犯法

李佳芯不介意另一半年紀小，最緊要溝通到。

何廣沛恨續姊弟戀

劇中Ali最後情歸陳豪，「輸家」何廣沛笑言提議拍外傳，跟女方再續姊弟戀。問Ali現實中可接受姊弟戀？她笑言：「冇諗過，但係去到我呢個年紀，都冇乜唔得。劇入面試過，到真實發生可能冇想像中咁恐怖。（歡迎小鮮肉追求？）睇吓幾細，16歲就唔得，我唔想犯法，哈哈。」即被何廣沛取笑：「乜你一諗就諗到犯法。」她說：「我係對感情認真，會諗埋將來。年紀唔係問題，如果搵到個18歲又溝通到，就證明我嘅思維都係18歲，哈哈。」

蕭正楠於劇中的「乸型」角色回響甚大，他說：「有啲重拾以前嘅感覺，出街、飲茶都有街坊搵我講劇。（有冇帶挈開拓同性市場？）依家搵食艱難，可以考慮，哈哈。不過最近嘅廚師節目，的確帶挈我多咗飲食工作。」

何廣沛與李佳芯開心《愛》劇收視理想。

蕭正楠與朱智賢玩遊戲「鬥車」。