姜濤日前到電台受訪，談到擇偶條件，他坦言不相信一見鍾情，最緊要大家能溝通，圈內圈外都不重要，他喜歡長直髮的女仔，直認固執的他說：「真係鍾意咗，點樣我都會同佢走埋一齊。」以前會擔心粉絲不鍾意他拍拖，但其實粉絲好理性，甚至會幫他揀女友：「一切隨緣！希望30歲結婚，依家對身邊異性有啲驚，因為每個異性都會變成話題，大家都係無辜嘅。」他坦言都驚失去姜濤的光環，但相信歌手做好自己作品，已是一個保證。着重私人空間的他，要克服外界入侵其生活，難免有少少情緒，他笑說：「以前唔開心可以食嘢，依家演唱會在即，我唔可以偷食。」更自爆未來願望是重過200磅肥仔人生：「我想做番個肥仔，追求努力過之後，去一個冇人認識嘅地方過下半世，我可以同我啲子子孫孫講，你阿爺以前都威過！」