胡鴻鈞送刀削麵「自抽」

胡鴻鈞昨日到電台宣傳新歌《整親》，談及MV在星夢娛樂頻道上架，是否已回歸做「一哥」？他表示還未動筆：「仲溝通緊。（爭啲咩先簽？）爭我衰囉！因為太忙，但其實我冇諗過爭做『一哥』，哥前哥後三分險，我都係做番自己嘅音樂就得。」有傳昔日密友許廷鏗亦會重返星夢，他說：「公司要同咩歌手合作，唔係我控制到，最重要大家一齊做好音樂。」昨日他準備了刀削麵做派台禮物，笑指「刀削面」是出道以來聽得最多的評價，記者笑問會否叫DJ「削麵還父」轉贈爸爸食？他笑說︰「好食再問我拎！」