利穎怡採訪搵命博 被刀指嚇

《東張西望》女主持利穎怡（Joan）一向以「膽生毛」見稱，曾經歷過不少危險場面，早前為追訪牛頭角一名被指行為怪異的女子時，更差點捱打，此事引起不少回響，有些網民更擔心她的人身安全，但Joan依然勇字當頭，繼續緊守崗位。

3女涉險

日前，她採訪一單「苦媽千里掛牌尋子」事件，並到一間地產舖欲找女事主的奶奶鄭太做訪問，怎料，原以為簡單的任務，最終卻換來死亡威脅，舖頭入面的一位男子竟持刀指嚇Joan喝令她離開，刀鋒與身體僅一「掌」之差，Joan說：「我同女導演、撰稿員3個女仔入去，想搵女事主嘅奶奶鄭太，點知裏面一位男士突然喺枱底攞出一把大生果刀出嚟，分別指向我同導演嘅腹部，距離大約一個手掌位左右。（當時係咪好驚？）我未嚟得切驚，已經同女導演佢哋一齊走咗。（點解冇男士陪同？）因為開始時只係諗住問吓鄭太喺唔喺度，唔喺度就算，好簡單嘅事，所以攝影師同收音師兩位男士喺門口等。（有冇諗過報警？）女導演有，但最後唔想搞大件事，所以冇咁做。」

吸取經驗

由於沒想過在鬧市地舖會有這種事情發生，故此，Joan到現在仍感難以置信：「唔明點解可以喺文明社會入面，有呢啲事（用刀指嚇）發生，真係超出我嘅想像。但我到依家都唔係太驚，覺得對方都只係嚇吓我哋。（下次會唔會再小心啲？）入室內時會開住道門，等攝影師佢哋睇到我哋，咁樣有乜嘢事佢哋都可以第一時間幫手。」