劉俊謙 拍親熱戲要備案
新一代實力派演員劉俊謙（Terrance）入行後參演的作品均有口皆碑，且為他帶來不少獎項，是別人眼中的幸運兒。受疫情影響，部分影視工作暫停，但他仍連接多個廣告，早前便為「Fashion Walk」拍攝短片，甚受廣告商歡迎。
雖然愈做愈旺，但他自爆亦曾陷入人生交叉點：「2012年喺演藝學院畢業，香港嘅舞台劇算係偏門，又覺得自己做戲唔好，收入低，有時只有4位數，都會懷疑自己係咪有價值，無數次想過放棄。」後來他從電影中獲得救贖，因演繹思覺失調患者的角色，令他正視到自我價值觀偏低的問題，啟發他要愛人先要愛自己，重建自信，更同時收穫了愛情，與女友蔡思韵因拍戲撻着，問到會否將電影與現實感情混淆時？他斷言：「冇！係拍完先一齊。（女友有咩吸引你？）佢係好善良、單純又可愛嘅女仔。（將來拍親熱戲會唔會備案？）會，因為係尊重，佢都係演員，會問佢意見。」他又坦言2人初入影視圈不久，有共識先努力工作，暫未有結婚打算。而稍後會再合作拍劇，他稱不擔心火花欠奉：「我哋唔一定要以情侶角色去合作，可以係朋友。（刻意避開演情侶？）唔會100%去避開，但唔可以太多。」