身在內地拍戲的藝人李日朗（Don），日前跟古明華、張智軒於街頭玩Busking，吸引逾千人捧場。Don說：「一早搵咗好兄弟張智軒嚟唱，我哋因為喺度拍劇，古佬嗰晚咁啱冇通告，所以一齊嚟玩。」
不過當晚卻發生小插曲，事緣現場安排Live Band伴奏，而Don事前將張國榮的作品歌譜交給大會，可是Band友竟然不懂彈奏，他說：「搞到氣氛好尷尬，甚至有keyboard手中途走咗，現場有兩支結他，於是我同古佬就彈結他繼續唱，我哋好耐冇彈，又冇排過，彈咗兩首就決定硬住頭皮唱落去，感覺好似卡拉OK。」