張敬軒講男神 今晚9點嚟料
「早餐界KOL」張敬軒喺社交網講方包、講白粥、講工人「遮遮」就講得多，但今次唔再晨早出現，改於晚上9點Happy Hour時段，轉場大駕光臨嚟到繽FUN Live，同大家摸住杯底傾吓偈，講吓佢那些年嘅男神。原來佢崇拜咗黃凱芹好耐，喺佢心目中呢位大哥哥，絕對唔係網民口中所講嘅「喬寶寶」，咁軒仔又Like佢啲咩呢？
軒仔話：「我覺得佢嘅聲線，佢嘅音樂才華，喺飛圖年代係十分有代表性嘅一位唱作人，及後我喺環球時，同凱芹哥哥有幾次合作機會，佢係位對音樂、對自己十分有要求嘅歌手，喺佢身上我學到好多嘢，無論係樂迷時聽佢嘅歌，抑或入咗行後有機會認識佢同埋共事，我都覺得獲益良多。」
大家想知軒仔更多秘密同笑料，記得4月15日9點睇繽FUN Live啦！