陳家樂孺子可教 向前輩自我介紹

陳家樂、蘇麗珊和陸永早前參與拍攝抗疫電影《總是有愛在隔離》，同片的前輩有古天樂、梁家輝、許冠文、張智霖、曾志偉和羅蘭等。家樂指業界有人因冇工開轉行，人才流失影響深遠，故望出一分力有所貢獻。拍攝期間，家樂很開心能跟多位前輩合作：「坦白講，前輩叫唔出我個名，許冠文冇可能識得我，就向佢自我介紹。」
陳家樂於片中屬「後輩級」，與前輩做對手戲甚有壓力。
陳家樂於片中屬「後輩級」，與前輩做對手戲甚有壓力。

蘇麗珊戲中與張達明演父女，她說：「達明哥話我好似佢讀藝術嘅女，拍結婚戲時我翹住佢行，好溫暖，呢份感覺未試過喺片場搵到。」陸永就分享跟梁家輝做對手的經驗：「拍之前幾分鐘先見面，要喺酒吧傾到好似知己咁，對住影帝好驚，難駕馭，好緊張，好彩佢有啲攰唔太理我。」

導演陳嘉上臨時加插咀戲，陸永講笑話因有蘇麗珊才接此片。
  • 導演陳嘉上臨時加插咀戲，陸永講笑話因有蘇麗珊才接此片。