蔣家旻下海「拍AV」為貧乳平反
張秀文、蔣家旻齊齊「下海」，於新劇化身「AV女優」！雖然只是「假AV」鬧劇一場，但卻有「真封面」，2人拿着各自的作品搞笑一番！而被介紹為「貧乳」的蔣家旻則笑着反駁，認為自己身材OK！
藝人張秀文、蔣家旻及敖嘉年等前晚於將軍澳電視城出席劇集《欺詐劇團》宣傳活動，雖然該劇只得8集，但製作認真，拍攝時間花了約3個月，而為配合myTV SUPER周年，將於4月16日一口氣在myTV Gold上架。
與森美兩敗俱傷
該劇題材踩界，牽涉到AV女優等話題，扮演劇團女演員的秀文為籌募資金開拍電影，竟以AV女優身份影封面呃人！秀文特意穿上性感內衣拍照，再加上「最強素人」、「D Cup」等AV封套慣常用字，幾可亂真，成為劇集彩蛋！秀文受訪時笑言：「好真實。（真係D Cup？）要講(口架)？32D，我應該瘦咗。（要着內衣喎！）真係近期最性感嘅1次，發覺自己愈嚟愈冇膽，唔可以好似以前咁（性感）。」
記者赫然發現其玉腿布滿紅印及瘀痕，她解釋：「因為近排多咗返嚟公司，電視城好多蚊。加上我參加綜藝節目玩遊戲，同森美一齊跌，兩敗俱傷，佢擦走咗啲皮，我就瘀晒。」
蔣家旻於劇內雖扮演編劇，不過應邀客串幕前，與張秀文齊齊化身AV女優吸客：「我被改咗藝名叫波多野莎莎，因為投資者鍾意『貧乳』，劇情仲交代我着肚兜被五花大綁，喺民初街拍，有好多清兵喺隔籬！」
性感要合情合理
問到家旻是否覺得自己「貧乳」？她笑說：「秀文太好身材嘞，咁我覺得自己都OK嘅，所以自行加咗個對白，反問人覺得我有冇（身材）。」她又指《欺》劇其實只是意識上比較大膽，故希望稍後能於翡翠台播放：「如果原汁原味，觀眾應該會睇得好開心。（台慶攞獎後搏命啲？）性感一定冇電影咁犀利，最緊要合情合理，我都係想有好機會發揮吓。」