留鬚玩新鮮感 何廣沛男團夢不死
藝人何廣沛曾有機會成為男子組合「天堂鳥」的成員，不過最後決定專注當演員，他說：「由細到大都有個夢想，就係做男團，因為感覺好奇妙，一班人去拚搏同奮鬥，一齊追夢。不過做男團要付出好多心血同時間，作為演員拍劇連休息時間都冇，好難可以兩方面發展，所以好早已經知道只可以2選1。」他又指佩服有些男團成員可以兼顧拍劇，笑說：「佢哋應該冇乜人生，因為24小時都係工作。（如果有機會想唔想試？）我呢個年紀仲有機會？我唔介意，係睇觀眾接唔接受。」
另外，何廣沛最近告別清靚白淨，開始留鬚，他表示是為下套劇的造型作準備：「因為監製想要新鮮感，我試吓留鬚，仲未確定係咪呢個造型。觀眾睇咗咁多年我都係乾乾淨淨，我唔想局限自己，有機會嘅話想試吓做奸角。」