姜濤否認與Candy拍過拖
男團MIRROR昨午到旺角出席公開活動，對於曾志偉自爆曾向ViuTV高層魯庭暉「攞人」，誠邀姜濤上無綫節目，最終慘食檸檬，姜濤說：「我都唔清楚老闆們嘅對話內容，但我哋全隊歡迎任何演出機會。（傳你同《YOLO的練習曲》嘅Candy拍過拖？）冇！我都係睇報道先知原來大家前後腳出現過喺附近地點，合作完微電影後只係間中喺社交網站交流吓。」
至於外傳Unfollow Candy的Ian起初「一頭霧水」，後來才醒起：「我嘅社交網好少Follow異性，之前同佢只係禮貌上互相關注，冇聯絡，亦唔會特別想知佢嘅私事。」姜濤即衝口而出：「公司對我哋嘅社交網有限制。」問到是否「失自由」？Anson Kong接口說：「唔緊要，份糧包埋，雖然唔多。」 而經理人花姐坦言有參考無綫《聲夢傳奇》：「拍得鏡頭好靚，我都要借鏡學習，睇到佢哋嘅效果同器材，搞到我好似好窮咁。」