劉威煌開騷靠網民

歌手劉威煌將於本月底在麥花臣場館舉行音樂會,他坦言自5年前開騷後,曾想過放棄歌唱事業,決定努力經營珍珠奶茶生意,直至去年在網上舉行直播唱歌,發現原來自己有很多人支持:「佢哋提議我開音樂會,所以係網民同我一齊發起開騷,佢哋畀錢先,夠錢就可以開。」

他透露本想打造過百萬製作的騷:「但點做吖?我冇酬勞都算,相信觀眾唔想我要扲荷包,我都要同老婆交代,更加唔想佢哋再拎錢出嚟,製作可能冇我想像中咁大,但大家一定滿意。」