康華捱眼瞓孖黎諾懿氹老友記

康華覺得幫人很有意義，希望再跟黎諾懿做義工。

原來康華為無綫新劇《十月初五的月光》開工至昨日凌晨3時，堅持捱眼瞓前來支持，她說：「初時擔心咁早嚟會唔舒服，點知見到公公婆婆咁熱情，我反而完全唔覺攰，做多啲善事，人真係會開心啲。今日都幾曬幾熱，見佢哋咁早嚟排隊，都擔心佢哋辛苦，所以即刻攞啲水畀佢哋，派得快手啲，唔使佢哋等咁耐。」續指曾到社區會堂唱歌給老友記聽，但如此近距離做義工則是首次：「個感覺好唔同，當佢哋捉住你隻手，真係感受到佢哋嗰種滿足同喜悅，經過今次之後，我好想參與多啲。」

• 黎諾懿雖然戴上口罩，但仍被不少公公婆婆認出。