葉巧琳備戰音樂劇 最驚累街坊
歌手葉巧琳於本月中連唱3場以演唱會形式舉行的處女音樂劇，參考多部昔日經典的音樂劇曲目，聯同羅敏莊、王耀祖、邵美君等演出。她現時每日起碼排練4個鐘，既要背歌詞、又要背舞步：「今次冇特別嘅Solo歌，以合作形式唱8至10首歌，雖然唱開歌劇，但同音樂劇係有好大分別。」
她又謂是次最大挑戰是要唱廣東話戲曲：「有啲音樂劇都未睇過，背起上嚟有啲難，當中有數白欖，啲歌詞又好白話，唱腔未去到京劇，但都有少少韻味。」並指眾人好錫自己，給予極大耐性：「佢哋會專登陪我練唱，我又會錄低佢哋啲聲返去係咁聽，嘗試模仿腔調，依家都仍然未夠好，但我會努力，真係好驚會拖累佢哋。」