鄭衍峰o趙完讚 激嬲馮盈盈

馮盈盈與緋聞男友鄭衍峰屢傳分手，近日一同亮相無綫節目《#後生仔傾吓偈》談及「人渣行為」時，就明顯甚有火藥味！其中馮盈盈表示最討厭人分手後「o趙完唱」：「情侶關係完結咗，其中一方仲拎番啲嘢出嚟係咁講、畀評論，無論啲評語係好定唔好，都覺得好人渣！」鄭衍峰卻表示：「佢好得！」令馮盈盈即激動指：「就係咁！」鄭衍峰補充：「煮嘢好得！」馮盈盈再表示：「我都想睇吓有咩得喎！」令現場氣氛尷尬。