擁有高挑身形的劉穎鏇熱愛運動，卻被新劇《大步走》的跑步場面考起，她笑說：「角色好似我，我哋都係外國返嚟，性格開朗，又鍾意運動，自己鍾意打籃球，但跑步就係弱項。初時以為跑步都應該應付到，但原來唔係，拍嗰陣堅跑真係好辛苦，成套劇要一路學跑步、一路拍，拍完套劇之後，跑步技巧當然好咗好多。」
