藝人黃一山近日發布短片話當年，細數和昔日拍檔吳孟達的點滴，指對方2014年因心臟衰竭而要停工數年。當時他問對方為何不接登台騷或代言這類工時較短的工作，以幫補生計，吳孟達說有「三不做」：「唔鍾意唱歌，唔少公司邀請我去唱，全部拒絕。第二，唔做任何房地產嘅廣告代言或剪綵，好多老百姓可能因為我嘅名氣而去買樓，但如果遇到不良發展商或樓盤爛尾，冇晒畢生積蓄，就會覺得好對唔住佢哋，我唔想賺呢啲黑心錢。第三，唔做藥業廣告，唔知藥廠係咪有良心，唔想病人因為我而唔睇醫生，延誤病情。」
另外，一直有指周星馳和朱茵是拍電影《逃學威龍2》時撻着，有份參演的黃一山認證此事，指當時還是新人的朱茵和女主角張敏看齊，開工時很有排場，全程有專人跟隨打點，當時有人叫他對朱茵多多照顧：「當時我心諗邊有資格，都係周星馳先有資格，點知佢真係好照顧佢，後尾仲做咗男、女朋友！」