洪卓立3套電影揸手 搵錢買樓

歌手洪卓立與何嘉莉昨日為ViuTV節目《Chill Club》擔任嘉賓，前者忙於執屋，透露本月底將北上搵真銀，預計半年後才回港，暫時有3部電影在手，其中一部與公司同事合作，問到幾部電影酬勞是否足夠彈藥置業？他坦言也想願望成真，更指預計完成工作後，在內地逗留一段時間，若再有工作便繼續留低，但現時最令他憂心是與舊愛湯怡拍拖時養的愛犬：「我好唔放心，唔想放佢喺狗酒店，同Kathy（湯怡）傾過會擺喺佢度先，佢OK，話搞唔掂就畀老公屋企人照顧住先。（你哋關係仲好好喎！）係大家話唔好啫！」