李麗珍唔專制任囡囡揸Fit

李麗珍透露囡囡許倚榕現時從事創作性的工作。

由吳鎮宇、李麗珍、蔡思韵及葉童等演出的新片《濁水漂流》前晚於「第45屆香港國際電影節」舉行亞洲首映記者會。李麗珍於戲中飾演一名勤力工作的露宿者，要素顏上陣開工，早前曝光的預告片中，只見她與鎮宇於渡海小輪上討論本港房屋政策，期間鎮宇更頻頻爆粗。她受訪時表示感恩有電影拍，亦很喜歡這種貼地題材的電影。談到接下來的工作，她坦言：「疫情下有其他電影工作需要延期，好彩個女（許倚榕）喺香港，可以陪吓我，今晚嘅衣着都係同佢商量。」至於被傳有經理人公司對倚榕有興趣，李麗珍否認女兒會入行：「佢依家從事創作性嘅工作，話如果有廣告或有少少嘢影吓都會試，但就唔想簽死公司。（你希望母女檔上陣？）我點會咁專制？」

蔡思韵難忘探訪露宿者

另外，思韵於戲中飾演社工，她說：「要花心思去了解街友嘅心情，同埋要有同理心，我好似一個觀察者咁。（有事先去同露宿者傾偈？）今次拍戲勾起咗啲回憶，細個嘅時候有同教會義工去探訪，去到親身同街友交流，面對面同佢哋握手，當時感官嗅到一陣味道，一切都好真實、好難忘。」

許倚榕	蔡思韵拍戲時勾起不少做義工的回憶。

而葉童今次以「特別演出」身份亮相該片，她打趣說：「如果導演冇Cut到我戲份，應該有10秒啩，得1場戲。」戲份雖少，但她希望為電影界出力，更多人支持港產片，又笑言：「其實我唔係咁清高，有人請拍戲就得。」